امثال وحكم جزائرية من برج بو عريريج لكم ولاخي هشااام .........

اولا السلام عليكم ورحمة الله تعالى وبركاته
لقد اعجبتني امثال التى القاها الاخ هشام وقررت ان اضيف لكم عدد من الامثال والحكم التى نتداولها في البرج

بسم الله :
القمح ذريه وخلي الريح يدي غباروا القلب اذا كان مهموم الوجه يعطيك اخباروا
* ماتخمم ما ترفد هم رد الجلدة على العظم تبرى وتولي صحيحة
* يا قلبي وشبيك عني تتنقم وعني بالتنقيم ما دريتوا مرضاك حدثتك على الباطلة ماحبيت تفهم يومات القيامة شرعي انا وياك
-* جبتك فرخ صغير من دم ربيتك وكبرتك بين احظاني اليوم كبرت درت جنحان وطرت وخليتني في البخايس
*- انا نحفرلوا في قبر اموا وهو هاربلي بالفاس
*- الاعمى خصوا غير الكحل
*- الزيت من الزيتونه والفاهم يقرا لغة الطير اللي يخرج كلمتوا موزونة صح واللي ما يوزنهاش يبلع فموا خير
1/- الناس بالناس والناس بربي
2/- ضربت يدي في يدي ونظرت في الارض ساعة لقيت قلت الشيء ترشي وتنوض من بين الجماعة
3/- اللي شاد السماء غير يطلقها تطيح
4/- معزة ولو طارت
5/- الي نحبو في الخارج نكتبلوا ولي نكرهوا نغشوا من بين عينيا
6/- اضحك يافمي على همي
7/- الدنيا بالوجوه والاخرة بالفعايل
8/- دير رايك وراي الناس ارميه تربح تقول رايي واذا خسرت ما تندم عليه
9/- اللي يسول ما يضيع
10/- المسلوخة تضحك على المذبوحة والمقطعة شبعت عليعهم ضحك
11/- اللي فاتوا وقتوا ما يكمع في وقت الغير
12/- ابكي يا قلبي علي اللي ماتوا ومتبكيش على اللي هجرني في حياتوا
13/- لعمش بين العميان كحل عيونوا
14/- الحمام مكسر الجنحين يطيح على البر الخالي
15/- اللي ما ذاق المر وا يعرف حلاوة البنين
16/- الكلب اذا نبح ما عض ما جرح
17/- فرط في كل الاصحاب الا صاحب البو ما تفرط فيه
18/- كان حي شاتي تمرة مات علقولوا عرجون
19/- كل خنفوس عند اموا غزال
20/- الحكمة بلا شيح عمرك ما تتعلمها

هذا قلليل من كثير لم استطع ان اتذكرها لكن اعدكم عند الذهاب الى البرج هته الايام القادمة ساستحضر الجدة واكتب لكم عدد لايستهان به ان شاء الله

ترقبوا الجديد اخوكم اسماعيل 34 امثال وحكم جزائرية من برج بو عريريج لكم ولاخي هشااام ......... 601202

امثال وحكم جزائرية من برج بو عريريج لكم ولاخي هشااام ......... 601202

شــــــــــــــــــــــــــكرا

امثال وحكم جزائرية من برج بو عريريج لكم ولاخي هشااام ......... 00f7051uujb

روعة
مشكور على هذه الأمثال
لا تحرمنا من مشاركاتك