شعــب الجـــزائر مســــلم والى العروبة ينتســـب

واش احوالكم ان شاء الله كامل بخيـــــر ...


كي كنت صغير كانت كثيرا ما تتردد على مسامعي خاصة في المناسبات الوطنية ... نهار يقولونا حوسوا على اناشيد عن الوطن بصح ماكنت شادة منها غير مقطع بسيــــط ..


شعب الجـزائر مسلم والى العروبة ينتسب
من قال حاد عن اصله او قال مات فقد كذب


كان يعجبني بزااااف في بلاغته وفي الحدة ديالو والقوة اللي نحسلو يمدهالي كي نقراه ...
مرة على مرة نتفكرو والمرة هاذي حطولي في احد المواقع بمناسبة عيد
الاستقلال تعليق من اجمل التعليقات فيها النشيد الوطني وهاذي
القصيـــــــدة ...
فرحت بيها بزااااااااااف واول مرة نكملها للآخر ونسمعها باللحن تاني يافرحتي هههه
وليت ندخل بيها نخرج بيها والا شعلت الميكرو نصدعهم كامل بيها حتى خطرة قالي بابا واش بيك ههههههه


والله
روعة وكلماتها اروع للامام والعلامة الكبير عبد الحميد بن باديس ربي يرحمو
ويوسع عليه حبيت كل جزائري يسمعها ويقراها وكلماتها تبقى مرسخة عندوا ...


نخليكم معاها وعلبالي كل جزائري راح يحس واش انا حسيت
رابط الفيديو في اخر الصفحة نتمنى تسمعوها تان ... لالا لازم ...



شَعْـبُ الجـزائرِ مُـسْـلِــمٌ

شَعْـبُ الجـزائرِ مُـسْـلِــمٌ وَإلـــىَ الـعُـروبةِ يَـنتَـسِـبْ
مَنْ قَــالَ حَـادَ عَنْ أصْــلِـهِ أَوْ قَــالَ مَـاتَ فَقَدْ كَـذبْ
أَوْ رَامَ إدمَــاجًــا لَـــــــهُ رَامَ الـمُحَــــال مــن الطَّـلَـبْ
يَانَشءُ أَنْــــتَ رَجَــــاؤُنَــــا وَبِـــكَ الصَّبـاحُ قَـدِ اقْـتَربْ
خُـذْ لِلحَـــيـاةِ سِلاَحَـهـا وَخُـضِ الخْـطُـوبَ وَلاَ تَــهبْ
وَاْرفعْ مَـنـارَ الْـعَـدْلِ وَالإ حْـسـانِ وَاصْـدُمْ مَـن غَصَبْ
وَاقلَعْ جُـذورَ الخَـــائـنينَ فَـمـنـْـهُـم كُـــلُّ الْـعَـــطَـــبْ
وَأَذِقْ نــــفُوسَ الظَّــالــــمِـينَ سُـمًّـا يُـمْـزَج بالـرَّهَـبْ
وَاهْـزُزْ نــــــفـوسَ الجَـامِدينَ فَرُبَّـمَـا حَـيّ الْـخَـشَـبْ
مَنْ كَــان يَبـــْغـي وَدَّنَــا فَعَــــلَى الْكَــرَامَــةِ وَالـرّحبْ
أوْ كَـــانَ يَبْـغـي ذُلَّـنـَا فَلَهُ الـمـــــَهَـــــانَـةُ والـحَـــرَبْ
هَـذَا نِـظـــــامُ حَـيَــــاتِــــــنَـا بالـــنُّـورِ خُــطَّ وَبِاللَّـهَـبْ
حتَّى يَعودَ لـقَــومــنَـا من مَجِــدِهــــم مَـــا قَدْ ذَهَبْ
هَــذا لكُمْ عَـهْــدِي بِـهِ حَتَّـى أوَسَّــدَ في الــــتّــُـرَبْ
فَــإذَا هَلَكْتُ فَصَيْـحـتـي تَحــيــــَا الجَــزائـرُ وَ الْـعــرَبْ


و رابط الفيديو هنا .....

https://www.youtube.com/watch?v=OawoyplOMuc



نموووووت عليك يابلادي



اممم بالمناسبة نهدي الموضوع لاختي وحبيبتي مشرفة القسم
هديـــل ربي يحفظها

شكرالك

رحم الله العلامة عبد الحميد بن باديس

هذه هي مواصفات الشعب الجزائري العربي الصحيحة

فلتحيا الجزائر ، تحيا الجزائر